eldhestar

Hestaleigan Eldhestar var stofnuð árið 1986. Markmiðið með stofnun þess var að bjóða bæði innlendum og erlendum ferðamönnum hestaferðir um svæði sem ekki voru aðgengileg á annan hátt. Í upphafi var áhersla lögð á að gefa fólki kost á að upplifa Hengilssvæði og þær mörgu náttúruperlur sem þar er að finna, eins Reykjadal, Marardal, Kattartjarnir svo fátt eitt sé nefnt.

Í dag er dagsferð Eldhesta í Reykjadal ein af vinsælustu hestaferðum landsins. Eldhestar bjóða upp á hestaferðir frá 1 klst og upp í 7 daga ferðir. Allar dagsferðir fyrirtækisins og styttri eru farnar frá Völlum í Ölfusi, sem og lengri. Hins vegar teygja lengri ferðirnar anga sína nánast um land allt. Allar styttri ferðirnar eru ætlaðar jafnt vönum sem óvönum. Sumarið 2004 voru Eldhestar með 232 hross á Völlum, þannig að alltaf eru til hestar við allra hæfi. Athugið að Eldhestar eru staðsettir á Völlum í Ölfusi, einungis í um 30 mínútna akstur frá Reykjavík.

Í júní árið 2002 tóku Eldhestar í notkun lítið sveitahótel. Hótel Eldhestar er búið 26 tveggja manna herbergjum og matsal sem tekur um 70-80 manns. Hótel Eldhestar var fyrsta hótelið á Íslandi til að fá norska umhverfismerkið, Svaninn. Hótel Eldhestar býður upp á þægilegt andrúmsloft, kyrrð og ró sveitasælunnar, en samt aðeins í seilingarfjarlægð frá Reykjavík.

Við hjá Eldhestum höfum sérstaka ánægju í því að sýna ferðamönnum sem hingað koma hina stórkostlegu Íslensku náttúru á hestbaki. Ferðamennirnir fá að kynnast landinu á einstakan hátt – Ísland fyrir 100 eða 1000 árum – hina endlausu haga, seitlandi jökulár, földu dali, sofandi eldfjöll og tignarleg fjöll. Við bjóðum upp á margar mismunandi ferðir, allt frá stuttum klukkutímaferðum til nokkura daga ferða, sem henta reiðmönnum á öllum allri og með mismunandi reynslu.  Síðan fyrirtækið var stofnað árið 1986 hefur fyrirtækið vaxið og stækkað og nú förum við í hestaferðir um nánast allt land. Þú ættir að geta fundið réttu ferðina fyrir þig.

Í júní 2002 opnuðum við hjá Eldhestum vistvænt sveitahótel rétt við sveitabæinn. Á hótelinu eru 26 fullbúin herbergi með baðherbergjum, internettengingu, ráðsstefnu og fundaraðstöðu, heitum  pottum og matsal fyrir 60-70 manns. Okkar markmið er að skapa hlýlegt og notalegt andrúmsloft en á sama tíma leggja áherslu á lúxus.